Уроки по Joomla 3 можно найти здесь: http://joomla3x.ru/
Четверг, 02 декабря 2021 17:38

"Сүрэхпин оҕоҕо аныыбын" кылаас салайааччыларын күрэ5э

Автор

        2021-2022 үө.дь. “Сүрэхпин оҕоҕо аныыбын” кылаас салайаччыларын күрэҕэ сэтинньи ый 30 - ахсынньы ый 1 күнүгэр ыытылынна. Сылын аайы бу күрэх кылаас салайааччытын идэтин таһымын үрдэтэр, баай уопутун дьоҥҥо-сэргэҕэ билиһиннэрэр, билиитин-көрүүтүн атастаһар сыаллаах ыытыллар. Быйылгы күрэххэ 11 кылаас салайааччыта кыттыыны ылла. Кыттаачылар 4 түһүмэҕи аастылар: жеребьевка нөҥүө талыллыбыт тиэмэлэргэ кылаас чааһын ыытыы, иитэр үлэ бырайыагын көмүскээһин, дьылабыай оонньуу, бэйэни билиһиннэрии. Кылаас салайааччытын үлэтэ сүрдээх эппиэттээх, киэҥ да киэҥ эйгэни хабар, учууталтан киэҥ-холку майгыны, кытаанах тулууру,муударай өйү, ырааҕы ыраҥалыыр санааны ирдиир. Элбэх оҕону бииргэ хабан, кэллэктииби иитии, хас биирдии оҕо уратытын таба өйдөөн, сайдар суолун тобулуу, дэбигис киһи ылынна да, сатаабат идэтэ диэтэхпинэ сыыспатым буолуо.
Күрэххэ оҕону умсугутар араас тиэмэҕэ кылаас чаастарын көрдүбүт. Бырайыактарга идэҕэ туһаайыы, саха итэҕэлэ, уол оҕону иитии, саха тыла, туһаттан тахсыбыт мал икки олоҕо уо.д.а.тиэмэлэри арыйдылар.

        Дьүүллүүр сүбэ-Протопопова Х.И., Чурапчы улууһун үөрэҕин салалтатын иитии уонна эбии үөрэхтээһин салаатын специалиһа, Адамов Е.В., иитии уонна эбии үөрэхтээһин салаатын сүрүн специалиһа, Собакина А.И., “Үөрүү” оҕо сайдар киинин иитэр үлэҕэ директоры солбуйааччы,Седалищева С.А., С.А.Новгородов аатынан Чурапчы о.о. алын кылааһын учуутала, былырыыҥҥы “Сүрэхпин оҕоҕо аныыбын” күрэх 1 миэстэлээх кыайыылааҕа, Лазарева Александра, С.К. Макаров аатынан Чурапчы гимназиятын 10 кылааһын үөрэнээччитэ, оскуола лидера. Бэрт тыҥааһыннаах ырытыһыы кэннэ түмүк таҕыста:
-Махтал сурук- Сивцева Айталина Владимировна, И.М. Павлов аатынан Чурапчы о.о., Онопрова Антонина Антоновна, Д.Д. Красильников аатынан Мугудай о.о.
- «Педагогическая преданность» анал аат- Пермякова Надежда Николаевна, А.А. Макаров аатынан Улахан-күөл о.о.
- «Мастерство и опыт» анал аат -Далбаева Марфа Николаевна, И.Е. Федосеев-Доосо" аатынан Дирин “АГРО” о.о.
- «Педагогическая перспектива» анал аат -Неустроева Надежда Викторовна, С.С. Яковлев-Э.Эристиин аатынан Чакыр о.о.
- «Инновация в образовании» анал аат- Семенова Надежда Александровна, С.А.Новгородов аатынан Чурапчы о.о.
- «Признание детей» анал аат-Булдакова Евдокия Ивановна Р.И.Константинов аатынан Амма о.о.
- 3 истиэпэннээх лауреат-Голыгина Саина Викторовна, Н.Д. Субуруускай аатынан Болтоҥо о.о
- 2 истиэпэннээх лауреат-Романов Николай Николаевич, С.К. Макаров аатынан Чурапчы гимназията
- 1 истиэпэннээх лауреат-Николаева Ольга Михайловна П.М. Васильев аатынан Соловьев о.о.
- Муҥутуур кыайыылаах-Пономарева Алевтина Николаевна, Одьулуун о.о.
        Кылаас салайааччыта хас биирдии киһи олоҕор ийэ, аҕа тэҥэ үрдүк суолаталаах, күндү, чугас киһибит. Кини сүбэтэ-амата, такайар-иитэр үлэтэ, кыһамньыта, истиҥ сыһыана -үөрэнээччилэрин үрдүккэ кынаттыыр, олоҕу сыаналыырга, тулалыыр эйгэни таптыырга үөрэтэр, сиэрдээх киһи буола улаатан олоххо бэйэ миэстэтин буларга сирдиир. Күндү кыттааччылар, талбыт идэҕитигэр ситиһиилэри баҕарабыт.

 

 

Прочитано 122 раз Последнее изменение Среда, 15 декабря 2021 15:35